ರಘು ಇಡ್ಕಿದು

 ದಕ್ಷಿಣ ಕನ್ನಡ ಜಿಲ್ಲೆದ ಬಂಟ್ವಾಳ ತಾಲೂಕುದ ಮಿತ್ತೂರುದಾರ್. ಕುಡ್ಲದ ಕೆನರಾ ಪದವಿ ಪೂರ್ವ ಕಾಲೇಜಿಡ್ ಉಪನ್ಯಾಸಕೆರ್. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಸದಸ್ಯೆರ್. ಕುಡ್ಲ ತಾಲ್ಲೂಕು ಚುಟುಕು ಸಾಹಿತ್ಯ ಪರಿಷತ್ ದ ಮಾಜಿ ಅಧ್ಯಕ್ಷೆರ್. ಕುಡ್ಲ ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್ ದ ಸದಸ್ಯೆರ್.

               ತುಳು ಬುಕ್ಕ ಕನ್ನಡ ಬಾಸೆದ ಬರವುದಾರ್. ಕಥೆ -ಕವನ -ನಾಟಕ -ವಿಮರ್ಶೆ – ಜೋಕ್ಲೆ ಸಾಹಿತ್ಯ – ಅನುವಾದ – ಗಜಲ್ ಇಂಚಿತ್ತಿ ಸಾಹಿತ್ಯ ಬಗೆಕುಲೆಡ್ ಪುದರಾತಿನಾರ್. ಅರೆನ ಬರವುಲು ಬೇತೇಬೇತೆ ಪತ್ರಿಕೆಲೆಡ್ ಅಚ್ಚಾತ್ o ಡ್. ಆಕಾಶವಾಣಿಡ್ಲಾ ಕಥೆ,ಕವನ, ನಾಟಕ,ಭಾಷಣ, ಭಾವಗೀತೆ, ವ್ಯಕ್ತಿ ಪರಿಚಯ, ಪಂದ್ ಮಸ್ತ್ ಕಾರ್ಯಕ್ರಮೊಲು ಪ್ರಸಾರ ಆತುಂಡು. ಬೆಂಗಳೂರು ಆಕಾಶವಾಣಿಡ್ಲ ರೂಪಕ ಪ್ರಸಾರ ಆತ್ o ಡ್. ಕವಿಗೋಷ್ಠಿ, ಕಥಾ ಗೋಷ್ಠಿ, ವಿಚಾರಗೋಷ್ಠಿಲೆಡ್ ಕತೆ, ಕಬಿತೆ ಪ್ರಬಂದೊಲೆನ್ ಮಂಡನೆ ಮಲ್ತ್ ದೆರ್.

                  ಉಪಸಂಪಾದಕೆರಾದ್ “ಹೊಸದಿಗಂತ” ಪತ್ರಿಕೆ ಒಂಜಿ ವರ್ಷ , ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ “ ಮದಿಫು “ ಪತ್ರಿಕೆಡ್ ಸಂಪಾದಕೆರಾದ್ ಮೂಜಿ ವರ್ಷ ಸೇವೆ ಸಂದಾದೆರ್. “ಮೋದಕ” “ಷಣ್ಮುಖ” “ಸಿಂಹ ನಿನಾದ “ ಇಂಚಿತ್ತಿ ಸ್ಮರಣ ಸಂಚಿಕೆಲೆದ ಸಂಪಾದಕೀಯ ಮಂಡಲಿಡ್ ಇತ್ತ್ ದ್ ಬೇಲೆ ಮಲ್ತ್ ದೆರ್.

                        “ ಉಷಾಕಿರಣ “ಪತ್ರಿಕೆಗಾದ್ ಆಕಾಶವಾಣಿ ಕಾರ್ಯಕ್ರಮೊಲೆ ಅಂಕಣನ್ ವಾರ ಗೊರ ಕೊರೊಂದಿತ್ತೆರ್. “ನಮ್ಮ ಬಂಟ್ವಾಳ” ಪತ್ರಿಕೆಗಾದ್ ತುಳು ಜೋಕ್ಲೆನ ಕತೆಕ್ಲೆನ ವಾರದ ಅಂಕಣ ಒಂಜಿ ವರ್ಷ ಪ್ರಕಟ ಆತ್ o ಡ್. “ಪೂವರಿ” ಪತ್ರಿಕೆಡ್ ತಿಂಗೊಳುಗೊರ ಕಿನ್ನಿ ಕತೆಕ್ಲು ಮೂಜಿ ವರ್ಷ ಪ್ರಕಟ ಆತ್ o ಡ್. “ಪ್ರಜಾವಾಣಿ” ಪತ್ರಿಕೆಡ್ ರಡ್ದ್ ವಾರಗೊರ ತುಳು ಅಂಕಣ ಒಂಜರೆ ವರ್ಷ ಪ್ರಕಟ ಆತ್o ಡ್. “ಅಮೃತ ಪ್ರಕಾಶ” ಪತ್ರಿಕೆಡ್ ಬೂಕುಲೆ ಪರಿಚಯ -ವಿಮರ್ಶೆ ಅಂಕಣ ತಿಂಗೊಳುಗೊರ 5 ವರ್ಷ ಬರೆತೆರ್.

                   ಇತ್ತೆದ ಪತ್ತನೇ ಕ್ಲಾಸ್ ದ ಪಠ್ಯ ಡ್ ಅರೆನ “ ಕಕ್ಕೆ ಆವೊಡು ಯಾನ್ “ ಕಬಿತೆ ಜೋಕ್ಲೆಗ್ ಪಠ್ಯ ಆದುಂಡು. ಮಂಗಳೂರು ವಿಶ್ವವಿದ್ಯಾನಿಲಯದ ಸುರೂತ ವರ್ಷದ ಪದವಿ ವಿದ್ಯಾರ್ಥಿಲೆಗ್ ತುಳು ಭಾಷಾ ಪಠ್ಯ ಡ್ ಉಂಬೆರೆನ “ ಎನ್ನ ನಲಿಕೆ” ಕಬಿತೆ ಪಠ್ಯ ಆದ್ ಉಂಡು. ಮಂಗಳೂರು ವಿಶ್ವವಿದ್ಯಾನಿಲಯದ ತುಳು ಡಿಪ್ಲೋಮಾ ಪಠ್ಯ ಡ್ಲಾ ಉಂಬೆರೆನ ಕತೆ ಪಠ್ಯ ಆದಿತ್ಂಡ್.

          2009ಡು ಉಜಿರೆಡ್ ಡಾ ವೀರೇಂದ್ರ ಹೆಗ್ಗಡೆರ್ ನಡಪಾಯಿನ “ ವಿಶ್ವ ತುಳು ಸಮ್ಮೇಳನ” ದ ಕವಿಗೋಷ್ಠಿ ಡ್ ಕವಿಯಾಯಿನಾರ್. ಬಂಟ್ವಾಳ ತಾಲೂಕು ಬೊಕ್ಕ ಪುತ್ತೂರು ತಾಲೂಕು ಕನ್ನಡ ಸಾಹಿತ್ಯ ಸಮ್ಮೇಳನದ ಅವಿಗೋಷ್ಠಿ ದ ಅಧ್ಯಕ್ಷೆರಾದ್ಲ ಪೊರ್ಲ ಗೋಷ್ಠಿ ನ್ ನಡಪಾಯಿನಾರ್. ವಿಶ್ವವಿಖ್ಯಾತ ಮೈಸೂರು ದಸರಾ ಕವಿಗೋಷ್ಠಿ ಡ್ ಪಾಲ್ ಪಡೆತೆರ್. ಉಂಬೆರೆನ 28 ಬೂಕುಲು ಪ್ರಕಟ ಆತ್ o ಡ್.